fridrikv.is

1 gæs 1200 – 1500 g (reitt og sviðin) 

kryddblanda 

½ tsk kanill 

1 msk hrásykur 

½ tsk hvítur pipar 

1 msk sjávar salt 

Fylling: 

1 bolli græn epli ( flisjuð og söxuð) 

1 bolli apríkósur (steinlausar og saxaðar) 

½ bolli valhnetur (saxaðar ) 

½ bolli furuhnetur(ristaðar) 

½ bolli heslihnetur ( saxaðar ) 

½ bolli Calvados líkjör (epla koniak má nota brandy eða koníak) 

2 tsk hrásykur sykur 

½ tsk kanill 

Aðferð: 

Öllu blandað saman og geymt í kæliskáp yfir nótt,saltið gæsina að innan áður en hún er fyllt að ¾ og saumað fyrir, krydduð með blöndunni og henni nuddað vel á gæsina. Steikið gæsina í 150°c heitum ofni í u.þ.b. tvo tíma allt eftir gæs og ofni. 

Sósa: 

Háls, afskurður og lifur ( eða það sem gæsinni fylgir ) 

3-4 einiber ( þurrkuð) 

1 tsk kryddblandan 

2 msk söxuð þurrkuð epli 

2 msk saxaður laukur 

1 lárviðarlauf 

1 tsk kjúklingakraftur eða villi kraftur 

1 dl calvados epla koniak má nota brandy eða koníak 

1 kvistur timjan 

½ dl eplaedik 

1 msk hunang 

150 g lint smjör 

1 l vatn 

Aðferð: 

Brúnið háls, afskurð og lifur ásamt lauk og eplum í 50 g af smjöri, kryddið með blöndunni, einiberjunum, kraftinum og lárviðarlaufinu áður en vatninu er hellt yfir og þetta allt soðið saman við vægan hita í 30 mínútur. Sigtið soðið og hellið reglulega yfir gæsina það sem eftir er af steikingunni. Takið gæsina út, færið á fat og látið standa undir álpappír á meðan sósan er gerð. Skafið alla steikarskóf úr skúffunni og sigtið soðið í gegnum síudúk eða mjög fínt sigti , látið suðuna koma upp, blandið calvados, ediki og hunangi út í og sjóðið áfram í skamma stund, þykkið með sósujafnara ef þarf smakkið til með krafti og kryddblöndunni takið pottinn af hellunni og klárið með því að hræra afganginum af smjörinu saman við.